के.आई.सिंह गाउँपालिका वडा नं. ६ भुमिराजमाण्डाै सलेना मा रहेकाे छ । साविकका भुमिराजमाण्डाै गा.वि.स. वडा नं. १,२,८ र ९ बाट समेटेर बनेको भौगोलिक रूपमा गाउँपालिकाकै सबैभन्दा ठूलो वडा हो। यस वडाको कुल क्षेत्रफल ३०.६ वर्ग किलोमिटर रहेको छ। राष्ट्रिय जनगणना २०७८ अनुसार यस वडाको कुल जनसंख्या २,४५२ रहेको छ भने यहाँ कुल ५७५ घरधुरीहरू बसोबास गर्दछन्। (साविक २०७५ को स्थानीय सर्वेक्षणमा यहाँ ३,०५२ जनसंख्या र ५१३ घरधुरी रहेका थिए।)

भौगोलिक रूपमा यो वडा महाभारत शृङ्खलाको पहाडी क्षेत्रमा अवस्थित छ, जसको अधिकांश भाग घना जङ्गलले ढाकिएको छ। यहाँ चट्टानयुक्त, कङ्कडयुक्त खैरो माटो, साना खोँच र भिरालो भू-भागका साथै कृषि कार्यका लागि उपयुक्त खेतीयोग्य साना फाँटहरू समेत रहेका छन्।

यस वडा अन्तर्गत मुख्य रूपमा भुलवाडा, भिताडी, चाका, नोभारी, फलेडी, डाँगा, कैनपडा, भाटिगाउँ र थलि जस्ता छरिएर रहेका परम्परागत टोल वस्तीहरू पर्दछन्। यहाँ मुख्य रूपमा क्षेत्री, ब्राह्मण, कामी, सार्की, दमाई र बादी जातिहरूको मिश्रित बसोबास रहेको छ। वडावासीहरूको मुख्य पेसा परम्परागत कृषि र पशुपालन नै हो, तर यसका साथै मौसमी तथा वैदेशिक रोजगारी र साना खुद्रा व्यापार व्यवसाय जीविकोपार्जनका मुख्य आधार हुन्।

सम्पर्क नं.

वडा कार्यालय: ९७६०८००००६

वडा अध्यक्ष: कृष्ण प्रशाद जैशी : ९८४८५२६२६६

वडा सदस्य: कमला देवी ढोली :

वडा सदस्य: काली भुल :

वडा सदस्य: भिम प्रसाद भाट : ९८६५६८२११३

वडा सचिव: टेक बहादुर साउँद : ९८४८५२६१९५

सहायक कम्प्युटर अपरेटर: गोविन्द जोशी : ९८६१७७९०९६

कृषि प्राविधिक: देव राम भट्ट : ९८६६१०८५२८

कार्यालय सहयोगी: बसन्त लुहार : ९८४८६५०८३५