समाचार
वडा नं. ४
के.आई.सिंह गाउँपालिका वडा नं. ४ काे कार्यालय दुर्गामाण्डाै वायलमा रहेकाे छ। साविकको दुर्गामाण्डौ गाउँ विकास समितिका वडाहरू र यस गाउँपालिकाको मुख्य प्रशासनिक केन्द्र (वायल) क्षेत्र समेटिएर बनेको महत्वपूर्ण वडा हो। यस वडाको कार्यालय दुर्गामाण्डौ वायलमा रहेको छ। १८.७८ वर्ग किलोमिटर क्षेत्रफलमा फैलिएको यस वडाको कुल जनसंख्या ३,२४७ (महिला १,८५६ र पुरुष १,३९१) रहेको छ भने राष्ट्रिय जनगणना २०७८ अनुसार यहाँ कुल ७४५ घरधुरी रहेका छन्। यो वडा के.आई.सिंह गाउँपालिकाकै सबैभन्दा बढी जनसंख्या भएको वडा हो। भौगोलिक रूपमा यो वडा महाभारत पर्वत शृङ्खलाको मन्द ढालयुक्त पहाडी भू-भाग, साना खोँच तथा नदी तटीय फाँटहरूमा अवस्थित छ। समुद्री सतहबाट यो क्षेत्र करिब १३८७ मिटरको उचाइमा रहेको छ।
यस वडा अन्तर्गत मुख्य रूपमा वायल, खड्काबाडा, कारिगाउँ, सिमुडा, काफली, दिउली, डौड, गुनपाल, गणेडी, बगेल्डा, बगाले र कोट जस्ता ऐतिहासिक, सांस्कृतिक तथा परम्परागत टोल वस्तीहरू पर्दछन्। यहाँ बसोबास गर्ने बासिन्दाहरूको मुख्य पेसा व्यावसायिक तथा परम्परागत कृषि, पशुपालन, खुद्रा व्यापार र वैदेशिक रोजगारी रहेको छ। गाउँपालिकाको प्रमुख प्रशासनिक केन्द्र, इलाका प्रशासन, बैंक तथा वित्तीय संस्थाहरू र मुख्य बजार क्षेत्र (वायल बजार) समेत यसै वडामा अवस्थित भएकाले यो वडा आर्थिक तथा प्रशासनिक दृष्टिकोणले पालिकाकै केन्द्रविन्दुको रूपमा रहेको छ।
सम्पर्क नं.:
वडा कार्यालय: ९८६५८८१९४२
वडा अध्यक्ष: जय बहादुर धामी : ९८६५८८१९४२ । ९८५८४८८०८०
वडा सदस्य: नरेश बहादुर खड्का : ९८४८४७६२२९
वडा सदस्य: कमला देवी पुनमगर :
वडा सदस्य: कन्थरी भुल : ९८४९६९७१०१
वडा सदस्य: चुडामणी अवस्थी : ९७४१९२३९५५
वडा सचिव: सरस्वती कुमारी भट्ट : ९८६८४०४४०७
सहायक कम्पयुटर अपरेटर: माया पुन मगर : ९८४८६४९६७०
कृषी प्राविधिक: प्रेम बहादुर खड्का : ९८६३०९५२३३
पशु प्राविधिक: टेक राज ओझा : ९८४८४७३५०१